ఏపీలో ముసాయిదా ఓటర్ల జాబితా విడుదల: మీ ఓటు చెక్ చేసుకోండి

ఆంధ్రప్రదేశ్ ఎన్నికల సంఘం ముసాయిదా ఓటర్ల జాబితాను విడుదల చేసింది. ఓటర్లు తమ పేర్లు ఆ జాబితాలో ఉన్నాయో లేదో వెంటనే చెక్ చేసుకోవాలని సూచించింది.

ఈసీఐ వోటర్ హెల్ప్‌లైన్ యాప్ (ECI app) ద్వారా ఓటర్లు తమ వివరాలు చెక్ చేసుకోవచ్చు. యాప్‌లో 'Search Your Name in Voter List' ఆప్షన్ ఎంచుకుని, ఓటర్ కార్డుపై ఉన్న టీఎంవో (TMO) నంబర్ ఎంటర్ చేయాలి. ఒకవేళ పేరు లేకపోతే ఆగస్టు 30 లోపు బీఎల్ఓ (BLO) లేదా ఫారం-6 ద్వారా దరఖాస్తు చేసుకోవచ్చు.

గణాంకాల ప్రకారం, రాష్ట్రంలో మొత్తం 4.16 కోట్ల మంది ఓటర్లు ఉండగా, 3.71 కోట్ల మంది (89.22%) ఓటర్లు తమ ఫారాలు సమర్పించారు. 2024 ఎన్నికలతో పోలిస్తే 15.5 లక్షల మంది మరణించినట్లు, 22.5 లక్షల మంది శాశ్వతంగా ఇతర ప్రాంతాలకు వెళ్లినట్లు ఎన్నికల సంఘం గుర్తించింది. అదనంగా 7.5 లక్షల మంది రెండు లేదా మూడు చోట్ల నమోదు చేసుకున్నట్లు గుర్తించి, ఆ పేర్లను తొలగించింది.

పేర్లు మిస్ అయిన వారు వెంటనే స్థానిక బీఎల్ఓను సంప్రదించాలి. తుది ఓటర్ల జాబితా అక్టోబరు 3న విడుదల కానుంది. ఆ తర్వాత సవరణలకు అవకాశం ఉండదు.