ఏపీ ముసాయిదా ఓటరు జాబితా విడుదల: 3.77 కోట్ల మంది ఓటర్లు

ఆంధ్రప్రదేశ్ లో ముసాయిదా ఓటరు జాబితా ఈ రోజు విడుదలైంది. ఈ జాబితాలో మొత్తం 3,77,38,206 మంది ఓటర్లు ఉన్నారు. అధికారులు ఈ జాబితాను రాజకీయ పార్టీల బీఎల్ఓలకు అందజేశారు.

ఈ సారి ప్రత్యేక తనిఖీలో భాగంగా 44,89,488 మంది పేర్లను తొలగింపు జాబితాలో చేర్చారు. ఈ తొలగింపు జాబితాకు సంబంధించి ప్రత్యేకంగా అభ్యంతరాలు చెప్పే అవకాశం కల్పించారు.

అభ్యంతరాలు, క్లెయిమ్‌లను ఆగస్టు 31 వరకు సమర్పించవచ్చు. కొత్తగా ఓటు నమోదు చేయించుకోవడానికి, చిరునామా మార్పుకు నెల రోజుల పాటు దరఖాస్తు చేసుకోవచ్చు.

ఈ కాలంలో వచ్చిన దరఖాస్తులను సెప్టెంబర్ 28 వరకు పరిశీలించిన తర్వాత, అక్టోబర్ 3న తుది ఓటరు జాబితాను విడుదల చేస్తారు.

2002 ఓటరు జాబితాలో ఉండి, మ్యాపింగ్ చేసుకోలేని వారికి నోటీసులు పంపనున్నారు. ఓటు నమోదుకు ఆధార్ కాకుండా 11 రకాల ధ్రువీకరణ పత్రాలు అందించవచ్చు.