కుప్పం గంగమ్మ జాత్ర ప్రసాదం వివాదం: ప్రభుత్వం fact-check వీడియో విడుదల

చిత్తూరు జిల్లా కుప్పంలో జరిగిన ప్రసన్న తిరుపతి గంగమాంబ జాత్రలో ముఖ్యమంత్రి చంద్రబాబు నాయుడు, భువనేశ్వరి దంపతులు పాల్గొన్నారు. ప్రభుత్వం తరపున పట్టు వస్త్రాలు అమ్మవారికి సమర్పించారు. ఆలయ అర్చకులు వారికి తీర్థ ప్రసాదాలు అందజేశారు.

చంద్రబాబు ప్రసాదం తినకుండా తిన్నట్టు నటించారని YSRCP నేతలు సోషల్ మీడియాలో ఒక వీడియో షేర్ చేశారు. దీనిపై AP ప్రభుత్వం స్పందించింది. ఆ వీడియో సగం మాత్రమే కట్ చేసి తప్పుడు అర్థం వచ్చేలా చూపిస్తున్నారని వివరించింది. పూర్తి వీడియోతో fact-check వీడియో విడుదల చేసింది.

మంత్రి లోకేశ్ ఈ వ్యవహారంపై స్పందించారు. edited వీడియోతో తప్పుడు ప్రచారం చేస్తున్నారని ఆరోపించారు. అలాంటి వారిపై చట్టపరమైన చర్యలు తీసుకుంటామని హెచ్చరించారు.

ఈ విషయంపై YSRCP స్పందన తెలియాల్సి ఉంది.