చిత్తూరు మామిడి రైతులకు ఏపీ ప్రభుత్వం కిలో రూ.4 మద్దతు ధర ప్రకటించింది

చిత్తూరు జిల్లాలో మామిడి రైతులకు ఆంధ్రప్రదేశ్ ప్రభుత్వం కిలో రూ.4 మద్దతు ధర ప్రకటించింది. మార్కెట్లో మామిడి ధరలు తక్కువగా ఉండడంతో రైతులు పెట్టుబడి ఖర్చులు కూడా తీరడం లేదని ఫిర్యాదు చేశారు. దీంతో ప్రభుత్వం రంగంలోకి దిగి కిలోకు రూ.4 చొప్పున మద్దతు ధర ఇవ్వాలని నిర్ణయించింది.

మార్కెట్లో వ్యాపారులు రైతులకు చాలా తక్కువ ధరలు ఆఫర్ చేస్తుండడంతో రైతులు నష్టపోతున్నామని ఆందోళన వ్యక్తం చేశారు. ప్రభుత్వ నిర్ణయంతో రైతులు సంబరాలు చేసుకున్నారు. సీఎం చంద్రబాబు నాయుడు, ఉప ముఖ్యమంత్రి పవన్ కల్యాణ్ ఫోటోలు పట్టుకొని రోడ్లపైకి వచ్చి సంబురపడ్డారు.

రాష్ట్రంలో మామిడి పంట మొదలైనప్పటి నుంచి మద్దతు ధర ప్రకటించడం ఇదే తొలిసారని రైతులు తెలిపారు. ప్రభుత్వం ఈ విధంగా అండగా నిలవడం తమకు కొత్త ఆశలు కలిగించిందన్నారు.