భోగాపురం అంతర్జాతీయ విమానాశ్రయంపై రీల్స్ పోటీలు

ఆంధ్రప్రదేశ్ ప్రభుత్వం భోగాపురం అల్లూరి సీతారామరాజు అంతర్జాతీయ విమానాశ్రయంపై ప్రత్యేక రీల్స్ పోటీలు నిర్వహిస్తోంది. విమానాశ్రయ ప్రారంభోత్సవంలో ప్రజల భాగస్వామ్యం, యువతలో సృజనాత్మకతను ప్రోత్సహించడం ఈ పోటీల లక్ష్యం.

పాల్గొనేవారు 30 సెకండ్ల నిడివి గల రీల్స్ రూపొందించాలి. రీల్లో విమానాశ్రయంపై తమ ఆలోచనలను, సందేశాన్ని సృజనాత్మకంగా చూపించాలి. వ్యక్తిగత ఇన్‌స్టాగ్రామ్ ఖాతాలో రీల్ పోస్ట్ చేసి, @aofficialnews ట్యాగ్ తో పాటు #ASRInternationalAirport, #ఉత్తరాంధ్రకలలకురెక్కలు హ్యాష్ట్యాగ్‌లు తప్పనిసరిగా ఉపయోగించాలి.

ఈ నెల 29వ తేదీలోపు రీల్స్ పోస్ట్ చేయాలని ప్రభుత్వం తెలిపింది. సృజనాత్మకత, సందేశం, ప్రభావం, ప్రజాదరణ వంటి అంశాల ఆధారంగా ఐదు ఉత్తమ రీల్స్ ఎంపిక చేస్తారు. విజేతలకు బహుమతులు అందజేస్తామని ప్రభుత్వం ప్రకటించింది.