98% ఆదాయం ఉద్యోగులకే ఖర్చవుతుందన్న సీఎం వాదన సరికాదు: ఏపీ జేఏసీ చైర్మన్ బొప్పరాజు

రాష్ట్ర ప్రభుత్వం విడుదల చేసిన ఉద్యోగుల శ్వేతపత్రంలో 98% ఆదాయం జీతాలకు, పెన్షన్లకు ఖర్చవుతోందని పేర్కొనడంపై AP JAC చైర్మన్ బొప్పరాజు వెంకటేశ్వర్లు విమర్శించారు. ఈ లెక్కింపు సరికాదని, కేంద్రం నుంచి వచ్చే డివాల్యూషన్ ఫండ్స్, రాష్ట్ర వాటాను కలిపి చూస్తే ఉద్యోగుల జీతాల వ్యయం 50% లోపే ఉంటుందని ఆయన అన్నారు.

సీఎం చంద్రబాబు నాయుడు ఆదాయాన్ని మూడు రకాలుగా విభజించి, రాష్ట్ర సొంత పన్ను ఆదాయం మాత్రమే లెక్కలోకి తీసుకున్నారని, కేంద్రం నుంచి రాష్ట్ర హక్కుగా వచ్చే ఫండ్స్ పక్కన పెట్టారని బొప్పరాజు ఆరోపించారు. ఈ తప్పుడు ప్రచారం ద్వారా ఉద్యోగులను ప్రజల దృష్టిలో భారంగా చూపించేందుకు ప్రభుత్వం ప్రయత్నిస్తోందని ఆయన విమర్శించారు.

పీఆర్‌సీపై ఉద్యోగ సంఘాలు ఆందోళన చేస్తున్న సమయంలో ఈ శ్వేతపత్రం విడుదల కావడం గమనార్హం. ఈ విషయంపై ప్రభుత్వం స్పందన తెలియాల్సి ఉంది.