ఏపీ నికర జీఎస్టీ వసూళ్లు జూలై 2026నాటికి 21% పెరిగాయి

ఆంధ్రప్రదేశ్ రాష్ట్ర వాణిజ్య పన్నుల శాఖ గణాంకాల ప్రకారం, 2026-27 ఆర్థిక సంవత్సరంలో జూలై నాటికి నికర జీఎస్టీ వసూళ్లు ₹13,283 కోట్లకు చేరాయి. గత సంవత్సరం ఇదే కాలంలో ₹10,993 కోట్లుగా ఉన్న ఈ వసూళ్లు 21% వృద్ధి నమోదు చేశాయి. జాతీయ సగటు వృద్ధి రేటు 17% కంటే ఇది ఎక్కువ.

మొత్తం వాణిజ్య పన్నుల ఆదాయం జూలై వరకు ₹20,464 కోట్లకు చేరింది. 2025-26లో రూ.17,593 కోట్లతో పోలిస్తే 20% పెరుగుదల నమోదైంది. 2025-26 ఆర్థిక సంవత్సరంలో సాధించిన 6% వృద్ధి తర్వాత, ఈ ఆర్థిక సంవత్సరంలో ప్రతి నెలా వృద్ధి రేటు స్థిరంగా కొనసాగుతోంది.

జూలై నెలలో మాత్రమే మొత్తం వాణిజ్య పన్నుల వసూలు ₹5,105 కోట్లు కాగా, నికర జీఎస్టీ వసూలు ₹3,267 కోట్లుగా నమోదైంది. 2025 జూలైతో పోలిస్తే ఇవి వరుసగా 14%, 12% పెరిగాయని అధికారులు తెలిపారు.