AP లో పెట్రోల్ ₹114కు చేరింది — YSRCP నేత మార్గాని భరత్ విమర్శలు

ఆంధ్రప్రదేశ్‌లో పెట్రోల్ ధర మరో 90 పైసలు పెరిగి ₹114కు చేరింది. డీజిల్ ₹102కు చేరుకుంది. దేశంలో అత్యధిక పెట్రోల్ ధర ఉన్న రాష్ట్రాల్లో ఆంధ్రప్రదేశ్ అగ్రస్థానంలో ఉందని YSRCP నేత మార్గాని భరత్ పేర్కొన్నారు.

TDP, Janasena, BJP కూటమి అధికారంలోకి వచ్చే ముందు పెట్రోల్ ధరలు తగ్గిస్తామని హామీ ఇచ్చారని మార్గాని భరత్ అన్నారు. రెండు సంవత్సరాలు గడిచినా VAT తగ్గించలేదని ఆయన విమర్శించారు. ఈ విషయంపై అధికార పక్షం స్పందన తెలియాల్సి ఉంది.

తమిళనాడులో డీజిల్ ₹94 ఉండగా, AP లో ₹6-7 అధికంగా ఉందని ఆయన పేర్కొన్నారు. సరిహద్దు ప్రాంతాల వాహనదారులు తమిళనాడులో డీజిల్ కొట్టించుకునే పరిస్థితి వస్తుందని ఆందోళన వ్యక్తం చేశారు.

మంత్రి నారా లోకేష్ cabinet meeting తర్వాత special flight లో ప్రయాణించారని మార్గాని భరత్ ఆరోపించారు. ముఖ్యమంత్రి, డిప్యూటీ CM సహా ముగ్గురు నేతలు వేర్వేరు special flights వాడటం దుబారా ఖర్చు అని ఆయన పేర్కొన్నారు.