ఏపీలో నేటి నుంచి స్కూళ్లు పునఃప్రారంభం: 229 పని దినాలు, నో బ్యాగ్ డే ప్రతి శనివారం

ఆంధ్రప్రదేశ్‌లో నేటి నుంచి స్కూళ్లు పునఃప్రారంభమయ్యాయి. వేసవి సెలవులు ముగియడంతో విద్యార్థులు బడిలకు హాజరయ్యారు.

ప్రభుత్వం ఈ విద్యా సంవత్సరానికి సంబంధించిన పాఠశాల క్యాలెండర్‌ను విడుదల చేసింది. ఈ క్యాలెండర్ ప్రకారం, మొత్తం 229 రోజులు పని దినాలు, 87 రోజులు సెలవులు.

పండగ సెలవుల వివరాలు: దసరా సెలవులు అక్టోబర్ 12 నుంచి 21 వరకు (10 రోజులు), సంక్రాంతి సెలవులు జనవరి 11 నుంచి 17 వరకు ఉంటాయి. ప్రతి శనివారం ‘నో బ్యాగ్ డే’గా నిర్ణయించారు.

రాష్ట్రవ్యాప్తంగా ప్రభుత్వ, ప్రైవేటు స్కూళ్లలో సుమారు 60 లక్షల మంది విద్యార్థులు నమోదయ్యారు. పాఠ్యపుస్తకాలు, యూనిఫారంలు సకాలంలో అందించినట్లు అధికారులు తెలిపారు.

గత సంవత్సరం 10వ తరగతి ఫలితాల్లో మెరుగైన ప్రదర్శన కనబరిచినందున, ఈ సంవత్సరం ఇంకా మెరుగైన ఫలితాలు సాధించేందుకు చర్యలు తీసుకుంటున్నారు. ఉపాధ్యాయ పోస్టుల భర్తీకి నోటిఫికేషన్ ఇవ్వనున్నారు.

తెలంగాణలో సోమవారం నుంచి స్కూళ్లు ప్రారంభం కానున్నాయి.