ఏపీలో పలు జిల్లాల్లో భారీ వర్షాలు: AP SDMA హెచ్చరిక

ఆంధ్రప్రదేశ్‌లో భారీ వర్షాలు కురిసే అవకాశం ఉందని రాష్ట్ర విపత్తు నిర్వహణ సంస్థ (AP SDMA) హెచ్చరించింది. ఉపరితల ఆవర్తనం ప్రభావంతో పలు జిల్లాల్లో వర్షాలు పడతాయని అధికారులు తెలిపారు.

ఎన్టీఆర్, బాపట్ల, పశ్చిమ గోదావరి జిల్లాల్లో భారీ వర్షాలు కురిసే అవకాశం ఉంది. శ్రీకాకుళం, కోనసీమ, తూర్పు గోదావరి, నెల్లూరు, తిరుపతి జిల్లాల్లో కూడా మోస్తరు నుంచి భారీ వర్షాలు పడే సూచనలు ఉన్నాయి.

లోతట్టు ప్రాంతాలు నీట మునిగే ప్రమాదం ఉండటంతో ప్రజలు అప్రమత్తంగా ఉండాలని AP SDMA సూచించింది. అవసరం లేకుండా బయటకు వెళ్లవద్దని, ఉరుములు, మెరుపుల సమయంలో చెట్లు, విద్యుత్ స్తంభాల కింద నిలబడవద్దని హెచ్చరించింది. రైతులు, మత్స్యకారులు వాతావరణ శాఖ సూచనలు పాటించాలని కోరారు.