విజయనగరం ఎంపీ కలిశెట్టి అప్పల్నాయుడు ప్రధాని మోదీకి చేనేత వస్త్రం అందజేత

చేనేత దినోత్సవం సందర్భంగా విజయనగరం పార్లమెంట్ సభ్యుడు కలిశెట్టి అప్పల్నాయుడు ప్రధానమంత్రి నరేంద్ర మోదీని కలిశారు. తన నియోజకవర్గంలోని చేనేత కార్మికులు నేసిన వస్త్రాన్ని ఈ సందర్భంగా ఆయన ప్రధానికి బహూకరించారు.

అప్పల్నాయుడు మాట్లాడుతూ, చేనేత రంగ కార్మికులందరికీ శుభాకాంక్షలు తెలిపారు. ప్రధానితో భేటీ అనంతరం ఆయన మీడియాతో మాట్లాడుతూ, భోగాపురం విమానాశ్రయం ప్రారంభోత్సవానికి విచ్చేసినందుకు రాష్ట్ర ప్రభుత్వం, ముఖ్యమంత్రి, ఉప ముఖ్యమంత్రి, ఐటీ శాఖ మంత్రి నారా లోకేష్ తరఫున ప్రధానికి కృతజ్ఞతలు తెలిపినట్లు చెప్పారు.

అంతేకాక భోగాపురం కార్యక్రమ నిర్వహణను ప్రధాని మోదీ ప్రశంసించినట్లు అప్పల్నాయుడు తెలిపారు. మంత్రి లోకేష్ నిర్వహణా నైపుణ్యం అద్భుతంగా ఉందని ప్రధాని ప్రశంసించినట్లు ఎంపీ స్పష్టం చేశారు.