APSRTC EV బస్సుల నిర్వహణపై TDP-YSRCP మధ్య వివాదం

APSRTC లో కొత్తగా ప్రవేశపెట్టే electric బస్సుల నిర్వహణను ప్రైవేట్ సంస్థలకు అప్పగించాలని ప్రభుత్వం యోచిస్తోంది. దీనిపై YSRCP, కార్మిక సంఘాలు తీవ్ర అభ్యంతరం వ్యక్తం చేస్తున్నాయి.

ఆర్టీసి ఆర్థిక ఇబ్బందుల కారణంగా EV బస్సుల కొనుగోలుకు తగినంత నిధులు లేవని ప్రభుత్వం చెప్తోంది. Gross Cost Contract (GCC) విధానంలో ప్రైవేట్ సంస్థలతో ఒప్పందాలు చేసుకోవాల్సి వస్తోందని వివరిస్తోంది. ఆర్టీసి చైర్మన్ కొనకళ్ళ నారాయణ మాట్లాడుతూ, స్త్రీ శక్తి ఉచిత బస్సు పథకం కారణంగా ఆర్టీసికి ఆర్థిక నష్టాలు వస్తున్నాయని చెప్పారు. రాష్ట్ర రవాణా మంత్రి కొల్లు రవీంద్ర మాట్లాడుతూ, ఆర్టీసికి వచ్చే ఆదాయం దాదాపు సిబ్బంది జీతాలకే సరిపోతోందని తెలిపారు.

మాజీ మంత్రి పేర్ని నాని మాట్లాడుతూ, ఉచిత బస్సు టికెట్ల బకాయిలు ప్రభుత్వం ఆర్టీసికి చెల్లించకపోవడం వల్లే నష్టాలు వస్తున్నాయని ఆరోపించారు. ప్రైవేటీకరణ జరిగితే ఊరుకోమని హెచ్చరించారు.

ఆర్టీసి కార్మిక సంఘాలు EV బస్సులను ఆర్టీసినే నిర్వహించాలని డిమాండ్ చేస్తున్నాయి. ప్రైవేటీకరణను అడ్డుకునేందుకు ఉద్యమాలు చేస్తామని ప్రకటించాయి. ఈ విషయంపై ప్రభుత్వం తుది నిర్ణయం తెలియాల్సి ఉంది.