ఎలక్ట్రిక్ బస్సులు, ఖాళీల భర్తీ డిమాండ్‌తో ఏపీఎస్ఆర్టీసి జేఏసీ నేతల ఉద్యమం

ఏపీఎస్ఆర్టీసి ఉద్యోగుల జేఏసీ నేతలు ఏపీఎన్జీఓ సంఘం అధ్యక్షుడు విద్యాసాగర్‌ను కలిశారు. ఈ సందర్భంగా ఎలక్ట్రిక్ బస్సులను ప్రైవేట్‌గా కాకుండా ఆర్టీసీ సిబ్బందితో నడపాలని, ఆర్టీసీనే కొనుగోలు చేసి నిర్వహించాలని వారు డిమాండ్ చేశారు. గత రెండు నెలలుగా శాంతియుతంగా సాగుతున్న ఉద్యమానికి మద్దతు ఇవ్వాలని విద్యాసాగర్‌కు లేఖ ఇచ్చారు.

శ్రీశక్తి పథకం అమల్లోకి వచ్చిన తర్వాత రోజు ప్రయాణికుల సంఖ్య 15 లక్షలకు పెరిగిందని, దీనికి అనుగుణంగా కనీసం 4,000 కొత్త బస్సులు వెంటనే కొనాలని వారు విజ్ఞప్తి చేశారు. అలాగే 15,000 ఖాళీ పోస్టులను భర్తీ చేయాలని డిమాండ్ చేశారు. తమ డిమాండ్లను ప్రభుత్వం పట్టించుకోకపోతే ఆందోళనను ఉధృతం చేస్తామని హెచ్చరించారు.

ప్రభుత్వం శ్రీశక్తి, దివ్యాంగ, విద్యార్థి తదితర రాయితీల కింద నెలకు 330 కోట్ల రూపాయలు చెల్లిస్తే, ఆ నిధులతో ఏటా 2000 బస్సులు కొనుగోలు చేయవచ్చని జేఏసీ నేతలు తెలిపారు. ప్రభుత్వంపై భారం పడకుండా రాక ఎదిగేలా ఆర్టీసీ సంస్థను నడిపించాలని వారు కోరారు. ఇదిలా ఉండగా, శ్రీశక్తి పథకం విజయవంతం కావడానికి 6,000 డీజిల్ బస్సులు లేదా 30,000 ఎలక్ట్రిక్ బస్సులు అవసరమవుతాయని జేఏసీ కన్వీనర్ దామోదర్ రావు తెలిపారు.