ఆర్మూరులో ఫాస్ట్ ఫుడ్ సెంటర్లలో పాచి ఆహారం పట్టివేత, జరిమానాలు

నిజామాబాద్ జిల్లా ఆర్మూరు పట్టణంలోని ఫాస్ట్ ఫుడ్ సెంటర్లపై అధికారులు మెరుపు దాడులు నిర్వహించారు. ఫ్రిడ్జిలలో నిల్వ ఉంచిన కుళ్ళిపోయిన కోడిగుడ్లు, వెజ్ మంచూరియా, చికెన్ మంచూరియా స్వాధీనం చేసుకోగా, వాటిని డంపింగ్ యార్డుకు తరలించారు.

శానిటరీ సూపర్వైజర్ నరేందర్ మాట్లాడుతూ, కొన్ని ఫాస్ట్ ఫుడ్ సెంటర్లు ముందు రోజు తయారు చేసిన మాంసాహారాన్ని నిల్వ ఉంచి, మరుసటి రోజు వేడిచేసి విక్రయిస్తున్నట్లు గుర్తించామని తెలిపారు. ఎక్కువ లాభాల కోసం ప్రజారోగ్యానికి హాని కలిగిస్తున్న ఈ సెంటర్లకు జరిమానా విధించినట్టు చెప్పారు.

మళ్లీ ఇలాంటి నిర్లక్ష్యం కనిపించినట్లయితే కేసులు నమోదు చేసి, ఫాస్ట్ ఫుడ్ సెంటర్లను సీజ్ చేస్తామని నిర్వాహకులను హెచ్చరించారు.