హైదరాబాద్‌లో గంజాయి సరఫరా ముఠా అరెస్ట్; 100 మంది అదుపులోకి

హైదరాబాద్‌లో భారీ డ్రగ్స్ సరఫరా ముఠాను ఈగల్ టీం అధికారులు గుర్తించి అరెస్ట్ చేశారు. బాలనగర్ కేంద్రంగా ఈ ముఠా నడిచినట్టు దర్యాప్తులో తేలింది.

ఒడిశా కోరాపుట్ అడవుల నుంచి హైదరాబాద్‌కు గంజాయి సరఫరా అయినట్టు అధికారులు తెలిపారు. వినియోగదారులు WhatsApp ద్వారా ఆర్డర్లు ఇచ్చారు. ఆన్‌లైన్ చెల్లింపులు చేశారు. Google Maps లో డెడ్ డ్రాప్ లొకేషన్లు పెట్టి రహస్యంగా సరఫరా చేసినట్టు వెల్లడైంది.

మే 28న 1908 టోల్ ఫ్రీ నంబర్‌కు వచ్చిన కాల్‌తో దర్యాప్తు మొదలైంది. కూకట్‌పల్లికి చెందిన యువకుడిని అదుపులోకి తీసుకున్నారు. అతని సమాచారంతో ముఠా మొత్తం బయటపడింది. ఒడిశాలో ఐదుగురు కీలక అనుమానితులను అరెస్ట్ చేశారు. వీరిలో సంజయ్ కామేష్, దంబు, అనసు, సేతి రాకేష్ పేర్లు ఉన్నాయి.

హైదరాబాద్‌లో మొత్తం 100 మంది డ్రగ్స్ వినియోగదారులను అదుపులోకి తీసుకున్నారు. వీరిలో ఏడుగురు విద్యార్థులు ఉన్నట్లు తెలిసింది. 80 మందికి డ్రగ్ టెస్ట్ పాజిటివ్ వచ్చిందని అధికారులు తెలిపారు.