నెల్లూరు జిల్లాలో ఆర్మీ జవాన్ 20 రోజులుగా అదృశ్యం, ఆచూకీ లేదు

నెల్లూరు జిల్లా వరికుంటపాడు మండలంలోని తోటల చెరువుపల్లికి చెందిన ఆర్మీ జవాన్ పగడాల రవి 20 రోజులుగా అదృశ్యమై ఉన్నారు.

జూలై 19న ఇంటికి వస్తానని చెప్పిన రవి ఆచూకీ ఇంతవరకూ తెలియలేదు. ఆయన న్యూ జల్పాయిగురి నుంచి ట్రైన్ ఎక్కుతానని కుటుంబ సభ్యులకు ఫోన్ చేశారు.

కరక్పూర్ రైల్వే స్టేషన్లో ఆయన ట్రైన్ దిగే దృశ్యాలు సీసీ కెమెరాల్లో నమోదైనట్టు కుటుంబ సభ్యులు చెప్పారు. ఆ తర్వాత ఎలాంటి సమాచారం లభించలేదు.

ఈ మేరకు స్థానిక పోలీస్ స్టేషన్లో ఫిర్యాదు చేయగా, జీరో ఎఫ్ఐఆర్ నమోదు చేసినట్లు పోలీసులు తెలిపారు. కేంద్ర, రాష్ట్ర ప్రభుత్వాలకు సోషల్ మీడియా ద్వారా సమాచారం అందించినట్లు కుటుంబం పేర్కొంది.

18 ఏళ్లుగా ఆర్మీలో సేవలందిస్తున్న రవి జూలై 18న ట్రైన్ మిస్ కావడంతో 19న బయలుదేరాల్సి వచ్చింది. చివరిసారి ఫోన్ చేసిన తర్వాత ఆయన ఫోన్ స్విచ్ఛాఫ్ అయ్యింది. ఆచూకీ కోసం ప్రభుత్వం సహాయం చేయాలని ఆయన భార్య విజ్ఞప్తి చేశారు.