విజయవాడలో అంతర్జాతీయ యోగా దినోత్సవం: 5 వేల మంది ఒకేసారి యోగాసనాలు వేశారు

విజయవాడలోని ఇందిరా గాంధీ మునిసిపల్ స్టేడియంలో అంతర్జాతీయ యోగా దినోత్సవం సందర్భంగా భారీ యోగా కార్యక్రమం జరిగింది. ముఖ్యమంత్రి శ్రీ నారా చంద్రబాబు నాయుడు నేతృత్వంలో సుమారు 5 వేల మంది ఒకేసారి యోగాసనాలు వేశారు.

ఈ కార్యక్రమంలో CM చంద్రబాబు తోపాటు మంత్రులు, ప్రజాప్రతినిధులు పాల్గొన్నారు. నారా లోకేశ్, రాం మోహన్ నాయుడు, భూపతి రాజు శ్రీనివాస వర్మ, సత్యకుమార్ యాదవ్ తదితరులు వేదికపై ఉన్నారు.

భస్త్రిక, కపాలభాతి, అనులోమ విలోమ వంటి ప్రాణాయామాలు ప్రత్యేక ఆకర్షణగా నిలిచాయి. వృక్షాసనం, బటర్‌ఫ్లై వ్యాయామాలు పాల్గొన్నవారందరూ ఒకేసారి అభ్యసించారు.

పతంజలి గురుకులం విద్యార్థులు పవర్ యోగా ప్రదర్శన ఇచ్చారు. డ్రోన్ కెమెరాల ద్వారా స్టేడియంలో నిండిన జనసమూహం దృశ్యాలు అద్భుతంగా కనిపించాయి.

CM చంద్రబాబు గత 30 సంవత్సరాలుగా యోగాభ్యాసం చేస్తున్నారని నిర్వాహకులు పేర్కొన్నారు. ఆరోగ్యకర సమాజ నిర్మాణంలో యోగా పాత్ర గురించి వేదికపై ప్రముఖులు మాట్లాడారు.

ఆంధ్రప్రదేశ్ రాష్ట్రంలో యోగాను జనజీవనంలో భాగం చేయాలని, ప్రజలు ఆరోగ్యంగా ఉండాలని ముఖ్యమంత్రి పిలుపు నిచ్చారు. ఈ కార్యక్రమం చారిత్రాత్మకంగా నిలిచిందని పాల్గొన్నవారు అభిప్రాయపడ్డారు.