ఉప్పల్ స్టేడియంలో TG20 లీగ్ కెప్టెన్ల ప్రెస్ మీట్: తొలి మ్యాచ్ ఖమ్మం వర్సెస్ పాలనాముర

హైదరాబాద్ ఉప్పల్ స్టేడియంలో రేపటి నుండి TG20 లీగ్ మ్యాచ్లు ప్రారంభం కానున్నాయి. సాయంత్రం 5:30 గంటలకు తమన్ మ్యూజిక్ తో ఓపెనింగ్ సెర్మనీ ప్రారంభమవుతుందని TG20 గవర్నింగ్ బాడీ చైర్మన్ ఆగమరావు తెలిపారు.

బ్రాండ్ అంబాసిడర్ గా విజయ్ దేవరకొండ హాజరవుతుండగా, VVS లక్ష్మణ్ కూడా పాల్గొంటారని వెల్లడించారు. తొలి మ్యాచ్ ఖమ్మం వర్సెస్ పాలనాముర జట్ల మధ్య జరుగనుండగా, విజేతకు కోటి రూపాయల ప్రైజ్ మనీ లభిస్తుందని తెలిపారు.

ఎనిమిది ఫ్రాంచైజీ టీమ్లతో 32 మ్యాచ్లు, 160 మంది ప్లేయర్లు ఈ లీగ్లో పాల్గొంటున్నారని ఆగమారావు వెల్లడించారు. తెలంగాణ అంతటా ఉన్న ప్రతిభావంతులైన ఆటగాళ్ళకు ఇది ఒక పెద్ద అవకాశంగా మారనుందని, IPL స్థాయికి చేరుకోవాలనుకునే ఆటగాళ్ళకు ఇది మంచి వేదిక అవుతుందని పేర్కొన్నారు.

ఈ టూర్నమెంట్ IPL స్థాయి నిర్వహణతో జరుగుతుందని, స్టేడియంలో అదే స్థాయి వినోదం ఉంటుందని నిర్వాహకులు తెలిపారు. సాయంత్రం 5:30 కి ఓపెనింగ్ సెర్మనీ, 7:50 గంటలకు మ్యాచ్ ప్రారంభమవుతుందని వివరించారు. మ్యూజిక్ డైరెక్టర్ తమన్ కార్యక్రమం, విజయ్ దేవరకొండ హాజరు, డ్యాన్స్ షో తదితర కార్యక్రమాలు ఓపెనింగ్ లో జరుగనున్నాయి.

ఈ లీగ్ ప్రతి సంవత్సరం నిర్వహించనున్నట్లు నిర్వాహకులు వెల్లడించారు. హైదరాబాద్ ఛాంపియన్స్ కెప్టెన్ అభినద్ మాట్లాడుతూ, తన జట్టులో చాలా బ్యాలెన్స్ ఉందని, అందరూ ఆల్ రౌండర్లు ఉన్నారని తెలిపారు. IPL లాంటి పెద్ద టోర్నమెంట్లకు చేరుకోవాలంటే ఇలాంటి లీగ్లు అవసరమని ఆయన పేర్కొన్నారు.