మురికి కాలువలో పుట్టినరోజు వేడుక: ఆగ్రా BJP వార్డు మెంబర్ వీడియో వైరల్

పుట్టినరోజు వేడుకలు సాధారణంగా ఇంట్లో లేదా హోటల్లో జరుపుకుంటారు. కానీ ఉత్తరప్రదేశ్‌లోని ఆగ్రా నగరంలో ఒక BJP వార్డు మెంబర్ మురికి కాలువ నడుమన పుట్టినరోజు వేడుక జరుపుకున్నారు. ఆ వీడియో సోషల్ మీడియాలో వైరల్ అయింది.

కాలువలో నిలబడి కేక్ కట్ చేయడం, తలపాగా పెట్టుకోవడం, సహచరులు చప్పట్లు కొట్టడం వంటివి వీడియోలో కనిపిస్తున్నాయి. ఇది చూసిన నెటిజన్లు ఆశ్చర్యపోయారు.

ఆ వార్డు మెంబర్ ఈ మురికి కాలువను శుభ్రం చేయాలని అధికారులకు అనేకసార్లు దరఖాస్తులు ఇచ్చినా ఎవరూ పట్టించుకోలేదని, దాంతో లోకానికి తమ సమస్య తెలియాలని ఈ విచిత్రమైన నిరసనకు పాల్పడ్డానని చెప్పారు. ఈ వినూత్న నిరసన వల్ల దేశవ్యాప్తంగా పబ్లిసిటీ వచ్చింది.