ఆషాఢ ఏకాదశి: పండరిపురం విఠలుడి దర్శనానికి లక్షలాది భక్తులు

ఆషాఢ శుద్ధ ఏకాదశి పర్వదినం సందర్భంగా మహారాష్ట్రలోని పండరిపురం క్షేత్రంలో లక్షలాది మంది భక్తులు శ్రీ విఠల స్వామి, రుక్మిణి దేవి దర్శనం చేసుకున్నారు. చంద్రభాగ నది తీరం భక్తులతో కిటకిటలాడింది. మహారాష్ట్ర నలుమూలల నుంచి వచ్చిన భక్తులతో ఆధ్యాత్మిక వాతావరణం నెలకొంది. విఠల పండరినాథుని ఆరాధనకు ఈ తొలి ఏకాదశి ప్రత్యేక ప్రాముఖ్యత సంతరించుకుంది.