ఆషాఢ మాసంలో వారాహి నవరాత్రులు: ఆచారాలు, నియమాలు

ఆషాఢ మాసం ప్రారంభం కాగానే కొత్త వధువులు అత్తవారింట నివాసం చేయకుండా, తల్లిగారింటికి వెళ్లాలన్న సంప్రదాయం తెలుగు రాష్ట్రాల్లో పాటిస్తారు.

శ్రావణ మాసం వ్రతాలు, నోములు ప్రారంభం వరకు ఒక నెల రోజులు తల్లిగారి ఇంట్లోనే ఉండి, ఆ తర్వాత తిరిగి అత్తవారింటికి రావాలని పెద్దలు చెబుతారు.

ఇదే సమయంలో ఆషాఢ శుక్ల పక్షంలో వారాహి నవరాత్రులు మొదలవుతాయి. చైత్ర మాసంలో వసంత నవరాత్రులు, ఆశ్వయుజంలో శరన్నవరాత్రులు కాకుండా, తామసిక స్వరూపం కలిగిన ఈ నవరాత్రులు అత్యంత జాగ్రత్తతో పాటించాలని గురువులు సూచిస్తారు.

వారాహి నవరాత్రుల్లో కలశ స్థాపన, విగ్రహం, పటం లేదా యంత్రం ద్వారా నియమానుసారం పూజలు నిర్వహిస్తారు. ఎర్రని వస్త్రాలు ధరించడం, నేలపై శయనించడం, తక్కువగా మాట్లాడటం, తక్కువ ఆహారం తీసుకోవడం వంటి నియమాలు ఉంటాయి. ప్రతిరోజు సూర్యాస్తమయం తర్వాత బెల్లం-పాల మిశ్రమాన్ని అమ్మవారికి నివేదించడం ద్వారా అనుగ్రహం లభిస్తుందని భక్తులు విశ్వసిస్తారు.