డీజిల్ ధరల పెరుగుదల, రైడింగ్ యాప్‌ల కమిషన్లతో ఆటో డ్రైవర్లు తీవ్ర ఇబ్బందులు

హైదరాబాద్‌లో వేలాది మంది ఆటో డ్రైవర్లు పెరుగుతున్న గ్యాస్ ధరలు మరియు రైడింగ్ యాప్‌ల కమిషన్ల వల్ల తీవ్రమైన ఆర్థిక ఇబ్బందులు ఎదుర్కొంటున్నారు. Ola, Uber, Rapido వంటి ఆన్‌లైన్ క్యాబ్ సంస్థల రాకతో సాధారణ ఆటో డ్రైవర్లకు గిరాకీలు తగ్గిపోయాయి. ప్రతి రైడ్ బుకింగ్‌కు కంపెనీలు 30 శాతం వరకు కమిషన్ తీసుకుంటున్నాయని డ్రైవర్లు ఆవేదన వ్యక్తం చేస్తున్నారు.

మీటర్ చార్జీలు పెరగకపోవడం ప్రధాన సమస్యగా ఉందని ఆటో డ్రైవర్లు చెప్తున్నారు. గ్యాస్ ధరలు 180 శాతం పెరిగినా చార్జీలు మాత్రం పాత రేట్లలోనే ఉన్నాయని వారు వాపోతున్నారు. వర్షాకాలంలో ట్రాఫిక్ జాంలతో సమయం వృథా అవుతూ ఆదాయం మరింత తగ్గిపోతుందని చెప్తున్నారు.

పశ్చిమాసియా ఉద్రిక్తతల ప్రభావంతో మార్చి నుంచి పెట్రోల్, గ్యాస్ ధరలు పెరిగాయని, LPG, CNG బంకుల దగ్గర గంటల తరబడి క్యూలలో నిలబడాల్సి వస్తుందని ఆటో డ్రైవర్లు చెప్పారు. వాహనాల EMI, రూమ్ రెంట్, పిల్లల చదువు ఖర్చులు భరించడం కష్టంగా మారిందని ఆందోళన వ్యక్తం చేశారు.

ఉచిత బస్సు పథకం వల్ల కూడా గిరాకీ తగ్గిందని డ్రైవర్లు అంటున్నారు. రైడ్ లొకేషన్‌కు వెళ్ళిన తర్వాత క్యాన్సిల్ అయితే పెట్రోల్ భారం తమపై పడుతుందని వారు చెప్తున్నారు. ప్రభుత్వం మీటర్ చార్జీలు పెంచాలని, గ్యాస్ కొరత తీర్చాలని, పెట్రోల్ డీజిల్ ధరలు తగ్గించాలని డ్రైవర్లు డిమాండ్ చేస్తున్నారు. పెరుగుతున్న ధరలకు అనుగుణంగా యాప్ కంపెనీలు కూడా కమిషన్లు సర్దుబాటు చేయాలని కోరుతున్నారు.