బండి భగీరథ్‌పై లుకౌట్ నోటీసులు — నాలుగు బృందాలు గాలింపు

పేట్ బషీరాబాద్ పోలీసులు POCSO కేసు నిందితుడు బండి భగీరథ్‌పై లుకౌట్ నోటీసులు జారీ చేశారు. అరెస్టు కోసం నాలుగు బృందాలు హైదరాబాద్, కరీంనగర్, ఢిల్లీలో గాలింపు చర్యలు చేపట్టాయి.

మైనర్ బాలికను లైంగికంగా వేధించారనే ఆరోపణలపై పేట్ బషీరాబాద్ పోలీస్ స్టేషన్‌లో భగీరథ్‌పై POCSO కేసు నమోదైంది. కేసు నమోదైన మరుసటి రోజే అతను అందుబాటులో లేకుండా పోయాడు.

ప్రత్యేక దర్యాప్తు బృందం విచారణకు రావాలని పిలిచినా స్పందన లేదు. రెండు రోజుల తర్వాత విచారణకు హాజరవుతానని mail పంపారు. కానీ నిర్ణీత తేదీన కూడా హాజరు కాలేదు.

ముందస్తు బెయిల్ కోసం తెలంగాణ హైకోర్టును ఆశ్రయించగా, vacation bench మధ్యంతర రక్షణ ఇవ్వలేమని తెలిపింది. ముందస్తు బెయిల్ పిటిషన్‌పై విచారణను మే 21కి వాయిదా వేసింది.

కరీంనగర్ జ్యోతినగర్‌లోని అతని నివాసంలో పోలీసులు తనిఖీలు నిర్వహించారు. హైదరాబాద్‌లో కూడా సోదాలు జరుగుతున్నాయని సమాచారం. భగీరథ్ లొంగిపోతారని వార్తలు వ్యాపించడంతో పేట్ బషీరాబాద్ పోలీస్ స్టేషన్ వద్ద భారీ బందోబస్తు ఏర్పాటు చేశారు.