బండి సాయి భగీరథ్ అరెస్ట్ ఆలస్యంపై BRS నేత ఆర్ఎస్ ప్రవీణ్ కుమార్ విమర్శలు

కరీంనగర్ POCSO కేసులో నిందితుడు బండి సాయి భగీరథ్‌ను తొమ్మిది రోజులు గడిచినా పోలీసులు అరెస్ట్ చేయలేకపోయారని BRS నేత ఆర్ఎస్ ప్రవీణ్ కుమార్ విమర్శించారు.

ఈ కేసులో బాధితురాలిపై కరీంనగర్‌లో non-bailable కేసు నమోదు చేసి బెదిరించారని ఆయన ఆరోపించారు. బాధితురాలి విషయంలో ప్రభుత్వం మొదటి నుంచి పట్టించుకోలేదని పేర్కొన్నారు.

బండి సాయి భగీరథ్ కరీంనగర్ టూ టౌన్ పోలీస్ స్టేషన్‌కు వెళ్ళనే లేదని, ఆ స్టేషన్‌లో దాఖలైన కంప్లైంట్‌పై సంతకం కూడా ఆయనది కాదని ప్రవీణ్ కుమార్ అన్నారు. పోలీసులు ఇచ్చిన email కూడా నిజమైనది కాదని ఆరోపించారు.

నిందితుడు ఎక్కడ ఉన్నాడో కేంద్ర హోం మంత్రి బండి సంజయ్‌కు, తెలంగాణ CM రేవంత్ రెడ్డికి తెలుసని ప్రవీణ్ కుమార్ ఆరోపించారు. ఈ విషయంపై కరీంనగర్ CP, DGP స్పందించాలని ఆయన డిమాండ్ చేశారు.

ఈ ఆరోపణలపై బండి సంజయ్, రేవంత్ రెడ్డి, పోలీస్ విభాగం స్పందన తెలియాల్సి ఉంది.