కొడుకు అరెస్టు నేపథ్యంలో బండి సంజయ్ BJP కార్యాలయంలో కార్యకర్తలతో సమావేశం

కేంద్ర మంత్రి బండి సంజయ్ తన కొడుకు బండి భగీరథ్ అరెస్టు నేపథ్యంలో BJP తెలంగాణ రాష్ట్ర కార్యాలయానికి వెళ్లారు. చాలా రోజుల తర్వాత ఆయన పార్టీ ఆఫీస్‌కు రావడంతో కార్యకర్తలు పెద్ద సంఖ్యలో హాజరయ్యారు.

బండి సంజయ్ దాదాపు రెండు గంటల పాటు కార్యకర్తలతో సమావేశమయ్యారు. మహిళా మోర్చ, యువజన మోర్చ సహా వివిధ విభాగాల కార్యకర్తలు ఒక్కొక్కరుగా ఆయనను కలిశారు. కాంగ్రెస్ ప్రభుత్వంపై పార్టీ వ్యూహం, జిల్లాల్లో ధాన్యం కొనుగోలు సమస్య తదితర అంశాలపై చర్చ జరిగినట్లు సమాచారం.

PM పర్యటన తర్వాత గత కొద్ది రోజులుగా బండి సంజయ్ బహిరంగంగా మాట్లాడలేదు. కరీంనగర్‌లో ఒక కార్యక్రమంలో పాల్గొన్న తర్వాత ఆయన ఏ వేదికపైనా కనిపించలేదు. ఈ నేపథ్యంలో ఆయన పార్టీ కార్యాలయానికి రావడం రాజకీయంగా చర్చనీయంగా మారింది.

BJP తెలంగాణ అధ్యక్షుడు రామచంద్రరావు అదే రోజు అత్యవసరంగా ఢిల్లీకి వెళ్లారు. బండి భగీరథ్ అరెస్టు విషయంపై BJP వైఖరి ఏమిటన్నది ఇంకా అధికారికంగా వెల్లడి కాలేదు.