రైతులు కెమికల్స్ వాడొద్దు: కేంద్ర మంత్రి బండి సంజయ్

కరీంనగర్ జిల్లా జమ్మికుంటలో జరిగిన రైతు సమ్మేళనంలో కేంద్ర మంత్రి బండి సంజయ్ పాల్గొన్నారు. ఈ సందర్భంగా ఆయన రైతులకు సూచనలు చేశారు.

ఎక్కువ దిగుబడుల కోసం ఇష్టం వచ్చినట్లు రసాయనాలు వాడొద్దని బండి సంజయ్ అన్నారు. పాడి పశువులకు ఇంజెక్షన్లు ఇవ్వడం వల్ల పాల నాణ్యత దెబ్బతింటోందని చెప్పారు. హైదరాబాద్‌లో ఇటీవల మామిడికాయలు తిని ఇద్దరు చిన్నారులు మృతి చెందడాన్ని ఉదాహరణగా చూపారు. తాను కూడా హైదరాబాద్‌లో పాల వల్ల మూడు రోజులు అనారోగ్యం పాలయ్యానని వెల్లడించారు.

ప్రకృతి వ్యవసాయం చేపడితే మందులు వాడాల్సిన అవసరం ఉండదని బండి సంజయ్ తెలిపారు. రైతులు సహజ పద్ధతులను అనుసరించాలని సూచించారు.