వరంగల్ టెక్స్టైల్ పార్క్‌కు కేంద్ర సహాయం చేస్తాం: బండి సంజయ్

కేంద్ర మంత్రి బండి సంజయ్ హనుమకొండ జిల్లా మడికొండలోని టెక్స్టైల్ పార్క్‌ను సందర్శించారు. స్థానిక చేనేత కార్మికులు, పార్టీ నాయకులు, ప్రజా ప్రతినిధులతో కలిసి సమస్యలపై చర్చించారు.

ఈ టెక్స్టైల్ పార్క్‌లో 62 ఎకరాల స్థలంలో 164 యూనిట్లు నడుస్తున్నాయని బండి సంజయ్ తెలిపారు. దాదాపు 10,000 మందికి ఇక్కడ ఉపాధి లభిస్తోందని పేర్కొన్నారు.

COVID కారణంగా యూనిట్లు ఇబ్బందుల్లో పడ్డాయని, బ్యాంక్ లోన్ రికవరీ వత్తిళ్ల నుంచి రక్షించడం ప్రభుత్వ బాధ్యత అని బండి సంజయ్ అన్నారు. OTS లేదా రీలోనింగ్ సదుపాయం కల్పించేందుకు కేంద్రం నుంచి అవకాశం ఉంటే అందించే ప్రయత్నం చేస్తానని హామి ఇచ్చారు.

టెక్స్టైల్ పార్క్ ఉద్యోగులు ప్రతినిధి బృందంగా ఏర్పడి నివేదిక సిద్ధం చేస్తే, ఢిల్లీలో కేంద్ర మంత్రులతో అపాయింట్‌మెంట్ ఇప్పిస్తానని బండి సంజయ్ తెలిపారు.