బ్యాంక్ ఉద్యోగుల మూడు రోజుల సమ్మె సెప్టెంబర్ 28 నుంచి; కౌంటర్ సేవలు నిలిచిపోనున్నాయి

దేశవ్యాప్తంగా బ్యాంక్ ఉద్యోగులు మూడు రోజుల పాటు విధులను బహిష్కరించనున్నారు. యునైటెడ్ ఫోరం ఆఫ్ బ్యాంక్ యూనియన్స్ పిలుపు మేరకు సెప్టెంబర్ 28 నుంచి 30 వరకు ఈ సమ్మె జరుగుతుంది. బ్యాంక్ ఉద్యోగుల పెండింగ్ డిమాండ్ల పరిష్కారం కోసం ఈ నిర్ణయం తీసుకున్నారు.

సోమవారం నుంచి బుధవారం వరకు కొనసాగే సమ్మెతో బ్యాంకింగ్ లావాదేవీలు, క్లియరింగ్ కార్యకలాపాలు, కౌంటర్ సేవలు నిలిచిపోతాయి. దీని వల్ల వ్యాపారులు, ఉద్యోగులు, సాధారణ ఖాతాదారులకు ఇబ్బందులు ఎదురయ్యే అవకాశం ఉంది.

RBI, కేంద్ర ఆర్థిక శాఖ ముందస్తు జాగ్రత్త చర్యలు తీసుకున్నాయి. సమ్మె ప్రారంభానికి ముందు ఆదివారం రోజు కూడా బ్యాంకులు పని చేయాలని ప్రత్యేక ఉత్తర్వులు జారీ చేశారు. ఈ ఉత్తర్వుల మేరకు ఆదివారం అన్ని ప్రభుత్వ, ప్రైవేట్ బ్యాంక్ శాఖలు పూర్తి స్థాయిలో సేవలు అందించనున్నాయి.

UPI, మొబైల్ బ్యాంకింగ్, నెట్ బ్యాంకింగ్ వంటి డిజిటల్ సేవలు సమ్మె రోజుల్లోనూ పని చేస్తాయని బ్యాంకులు తెలిపాయి.