చీరాలలో 1008 మంది భక్తులతో భగవద్గీత పారాయణ కార్యక్రమం

చీరాలలోని హై స్కూల్ గ్రౌండ్‌లో 1008 మంది భక్తులతో భగవద్గీత పారాయణ కార్యక్రమం నిర్వహించారు.

విశ్వ హిందూ పరిషత్ బాపట్ల జిల్లా చీరాల శాఖ ఆధ్వర్యంలో కోటి సంపూర్ణ భగవద్గీత పారాయణ మహాయజ్ఞం జరిగింది. శ్రీ గణపతి సచ్చిదానంద స్వామీజీ ఆశీస్సులతో భక్తులు సామూహికంగా భగవద్గీత పఠనం చేశారు.

సమాజంలో ఆధ్యాత్మిక చైతన్యం, ధార్మిక విలువలను పెంపొందించడం లక్ష్యంగా ఈ కార్యక్రమం నిర్వహించారు. భగవద్గీత సందేశాన్ని ప్రజల్లోకి తీసుకెళ్లాలన్నది నిర్వాహకుల ఉద్దేశం.

అనదానం చిదంబర శాస్త్రి మాట్లాడుతూ భగవద్గీత ప్రతి ఒక్కరి జీవితానికి మార్గదర్శకమని అన్నారు. కార్యక్రమంలో పెద్ద సంఖ్యలో భక్తులు పాల్గొన్నారు.