అల్లూరి జిల్లాలో భరోసా పార్టీ అధ్యక్షుడు అభినయ దర్శన్‌పై దాడి

అల్లూరి సీతారామరాజు జిల్లా పాడేరు నియోజకవర్గ పరిధిలోని నీరుతోటపాలెంలో భరోసా పార్టీ అధ్యక్షుడు డాక్టర్ అభినయ దర్శన్‌పై దాడి జరిగింది. మాస్కులు ధరించిన దుండగులు ముందుగా కోడిగుడ్లతో, ఆ తర్వాత మారణాయుధాలతో దాడి చేశారు.

గాయాలతో దాడి జరిగిన ఏజెన్సీ హాస్పిటల్‌కు తరలించిన అభినయ దర్శన్‌ను తర్వాత విశాఖ KGH కి తీసుకువచ్చారు. అక్కడ ప్రాథమిక చికిత్స తర్వాత ఆయన కొంతమేర కోలుకుంటున్నారు.

విశాఖ KGH లో మీడియాతో మాట్లాడిన అభినయ దర్శన్, పాస్టర్ ప్రవీణ్ పగడాలను హత్య చేసినట్లే తనను కూడా చంపేందుకు ప్రయత్నిస్తున్నారని ఆరోపించారు. ప్రవీణ్ పగడాల మృతి రోడ్డు ప్రమాదం కాదని, అది హత్య అని అభినయ దర్శన్ పేర్కొన్నారు. ఈ ఆరోపణలపై ప్రవీణ్ పగడాల కేసులో దర్యాప్తు చేస్తున్న అధికారుల స్పందన తెలియాల్సి ఉంది.

దాడి వెనక ఒక YSRCP నేత హస్తం ఉందని అభినయ దర్శన్ ఆరోపించారు. అయితే MLA విశ్వేశ్వర రాజుకు ఈ సంఘటనతో సంబంధం ఉందని అనుకోనని స్పష్టం చేశారు. ఇంకా కొంతమందిపై అనుమానం ఉందని, వారి పేర్లు త్వరలో బయట పెడతానని చెప్పారు.

పోలీసులు తన అనుచరులను అరెస్టు చేసి దాడి చేసిన వారిని వదిలేశారని, దర్యాప్తుపై తనకు నమ్మకం లేదని అభినయ దర్శన్ వ్యాఖ్యానించారు. తనపై నేనే దాడి చేసుకున్నట్లు తప్పుడు సాక్ష్యాలు సృష్టిస్తున్నారని ఆరోపించారు. ఈ ఆరోపణలపై పోలీసుల అధికారిక స్పందన తెలియాల్సి ఉంది.

సంఘటన జరిగిన ప్రదేశానికి అల్లూరి జిల్లా SP స్వయంగా వెళ్లి దర్యాప్తు చేశారు. దాడి చేసి కారులో పారిపోయిన దుండగులు ఎవరో తెలుసుకోవడానికి పోలీసులు ప్రయత్నిస్తున్నారు. ఆ రోజు సాయంత్రం జిల్లా SP మీడియాతో మాట్లాడారు.