సింగరేణిలో 2,657 పోస్టుల భర్తీ; 335 మందికి కారుణ్య నియామకాలు: డిప్యూటీ సీఎం భట్టి

డిప్యూటీ ముఖ్యమంత్రి భట్టి విక్రమార్క సింగరేణి కాలరీస్‌లో 2,657 ఉద్యోగాలను భర్తీ చేస్తామని ప్రకటించారు. శనివారం మంచిర్యాలలో 335 మందికి కారుణ్య నియామక పత్రాలు అందజేస్తామని చెప్పారు.

శుక్రవారం సెక్రటేరియట్‌లో రీసోర్స్ మొబిలైజేషన్ క్యాబినెట్ సబ్ కమిటీ సమావేశం అధ్యక్షత వహిస్తూ ఈ విషయాలు వెల్లడించారు. కారుణ్య నియామకాల గరిష్ట వయోపరిమితిని 35 నుంచి 40 ఏళ్లకు పెంచామని, దీంతో ఎక్కువ మందికి అవకాశం లభిస్తుందని తెలిపారు. సింగరేణిలో నిలిచిపోయిన మెడికల్ బోర్డును త్వరలో ప్రారంభించాలని యాజమాన్యాన్ని ఆదేశించారు.