మొక్కజొన్న కొనుగోలుపై BJP కి భట్టి విక్రమార్క ప్రశ్నలు

తెలంగాణ ఉప ముఖ్యమంత్రి భట్టి విక్రమార్క మొక్కజొన్న కొనుగోలు విషయంలో కేంద్ర ప్రభుత్వాన్ని నిలదీశారు. MSP ప్రకటించిన తర్వాత కూడా కేంద్రం మొక్కజొన్నను తీసుకోవడం లేదని ఆయన విమర్శించారు.

రాష్ట్ర ప్రభుత్వం కొనుగోలు చేసిన ధాన్యాన్ని కేంద్రం స్వీకరించాల్సిన బాధ్యత ఉందని భట్టి పేర్కొన్నారు. పంట వచ్చే సమయం, మార్కెట్ యార్డ్‌కు రైతులు తీసుకొచ్చే సమయం ప్రభుత్వానికి ముందే తెలుసని, అయినా చర్యలు తీసుకోలేదని ఆయన అన్నారు.

ఎంత ఉత్పత్తి అవుతుందో, ఎంత ఎగుమతి జరిగిందో అంచనా వేసి కేంద్రం నిర్ణయం తీసుకోవాలని భట్టి అభిప్రాయపడ్డారు. BJP నేతలు రాష్ట్ర ప్రభుత్వంపై చేస్తున్న విమర్శలు తప్పని, MSP ప్రకటించి రైతులను వదిలేయడం కేంద్రం బాధ్యత కాదా అని ఆయన ప్రశ్నించారు.

ఈ విషయంపై BJP స్పందన తెలియాల్సి ఉంది.