భోగాపురం విమానాశ్రయం ప్రారంభం; 13,500 మంది దింసా నృత్యంతో గిన్నిస్ రికార్డ్

ప్రధాని నరేంద్ర మోదీ బుధవారం ఆంధ్రప్రదేశ్‌లోని భోగాపురంలో అల్లూరి సీతారామరాజు అంతర్జాతీయ విమానాశ్రయాన్ని ప్రారంభించారు. ఈ వేడుకల్లో ఉత్తరాంధ్ర సంస్కృతి ప్రతిబింబించే కార్యక్రమాలు నిర్వహించారు.

13,500 మంది గిరిజన మహిళలు ఒకే వేదికపై దింసా నృత్యం చేసి గిన్నిస్ వరల్డ్ రికార్డ్ సృష్టించారు. బొబ్బులి వీణ నాదం, ఏటి కొప్పాక చెక్క బొమ్మలు, తోలు బొమ్మలాట రూపాలు వంటి తెలుగు సంప్రదాయ కళారూపాలు ప్రదర్శించారు.

విమానాశ్రయ టెర్మినల్ పైకప్పు సముద్ర కెరటాలపై ఎగిరే చేప ఆకృతిలో ఉంది. ఇది ఉత్తరాంధ్ర మత్స్యకారుల జీవనశైలికి నివాళిగా రూపొందించారు. నేలపై తీర్చిన సంప్రదాయ ముగ్గులు, డిజైన్లు ప్రయాణికులకు స్వాగతం పలుకుతాయి.

3,800 మీటర్ల రన్వేతో ఈ విమానాశ్రయం పెద్ద అంతర్జాతీయ విమానాలను నిర్వహించగలదు. ఈ ప్రాజెక్టు ఉత్తరాంధ్ర ప్రాంత అభివృద్ధిలో కీలక పాత్ర పోషించనుందని అధికారులు తెలిపారు.