భోగాపురం ఎయిర్‌పోర్ట్ ప్రారంభోత్సవం: మహిళ సోషల్ మీడియా ఫిర్యాదు

భోగాపురం అంతర్జాతీయ ఎయిర్‌పోర్ట్ ప్రారంభోత్సవంలో తన అనుభవాన్ని ఓ మహిళ సోషల్ మీడియాలో పంచుకున్నారు. తన ఇష్టానికి విరుద్ధంగా బస్సులు పెట్టి బలవంతంగా తీసుకెళ్లారని, ఆతర్వాత బస్సులు నిలిపేయడంతో ఎయిర్‌పోర్ట్‌కు నడిచి వెళ్లాల్సి వచ్చిందని ఆమె తెలిపారు.

చాలా మంది ప్రజలను తరలించినప్పటికీ ట్రాఫిక్ జామ్ వల్ల బస్సులు మధ్యలోనే ఆగిపోయాయని, తర్వాత ప్రోగ్రాం ముగిసినట్లు చెప్పి వేరే రూట్ నుంచి పంపించేశారని ఆమె వీడియోలో వివరించారు.

ఇంతమందిని తీసుకెళ్లి కనీస సౌకర్యాలు ఇవ్వకపోవడం ఎందుకని ప్రశ్నించిన ఆమె, ఈ విషయంలో ప్రభుత్వాన్నే ప్రశ్నించాల్సి ఉందని అభిప్రాయపడ్డారు. ఈ ఘటనపై అధికారిక స్పందన తెలియాల్సి ఉంది.