అల్లూరి సీతారామరాజు విమానాశ్రయం (భోగాపురం) ఆగస్టు 1న ప్రధాని మోదీ ప్రారంభం

ఉత్తరాంధ్రలోని భోగాపురం గ్రీన్‌ఫీల్డ్ అంతర్జాతీయ విమానాశ్రయాన్ని ప్రధాని నరేంద్ర మోదీ ఆగస్టు 1న ప్రారంభిస్తారు. దీనికి అల్లూరి సీతారామరాజు పేరు పెట్టారు.

ఈ విమానాశ్రయం టెర్మినల్ భవనం ఎగిరే చేప ఆకారంలో నిర్మించారు. ఇది 77,000 చదరపు మీటర్ల విస్తీర్ణంలో విస్తరించి ఉంది. కార్గో టెర్మినల్ 5,000 చదరపు మీటర్లలో 25,000 టన్నుల సామర్థ్యంతో అందుబాటులోకి వచ్చింది.

రన్‌వే 3,800 మీటర్ల పొడవుతో దేశంలోనే అతిపెద్ద వాటిలో ఒకటిగా నిలుస్తోంది. వైడ్ బాడీ విమానాలు సురక్షితంగా ల్యాండ్ అయ్యేలా, టేకాఫ్ చేసేలా దీన్ని రూపొందించారు. సంవత్సరానికి 60 లక్షల మంది ప్రయాణికులను నిర్వహించగల సామర్థ్యంతో నిర్మించారు.

డిజిటల్ ప్రయాణ అనుభవం కోసం ఫేషియల్ రికగ్నిషన్ టెక్నాలజీ, సెల్ఫ్‌ సర్వీస్ కియోస్క్‌లు, ఆటోమేటిక్ బ్యాగేజీ హ్యాండ్లింగ్ సిస్టమ్‌లు ఏర్పాటు చేశారు. 12 డిజీ యాత్ర పోర్టల్‌లు, 40 చెక్‌-ఇన్ కౌంటర్లు, 10 ఈ-గేట్‌లు ఉన్నాయి.

రోడ్డు అనుసంధానం కోసం 7 మార్గాల్లో 4 పూర్తయ్యాయి. మిగిలిన రోడ్ల పనులు యుద్ధ ప్రాతిపదికన కొనసాగుతున్నాయి. ఏపీఎస్‌ఆర్టీసీ ఏరో ఎక్స్‌ప్రెస్ సర్వీసు త్వరలో ప్రారంభం కానుంది. ఉబెర్, ఓలా వంటి సేవలు మొదటి రోజు నుంచే అందుబాటులో ఉంటాయి.

ఈ విమానాశ్రయం DGCA నుంచి ఏరోడ్రోమ్ లైసెన్స్, బ్యూరో ఆఫ్ సివిల్ ఏవియేషన్ సెక్యూరిటీ నుంచి భద్రతా అనుమతులు, ఇమిగ్రేషన్ హోదా పొందింది. ప్రారంభోత్సవం తర్వాత వెంటనే వాణిజ్య సేవలకు మార్గం సుగమం చేస్తాయి.