మద్యం సేవించి బైక్ నడిపే వారిని ఆపే స్మార్ట్ హెల్మెట్ రూపొందించిన బీహార్ విద్యార్థి

బీహార్‌లోని జహనాబాద్‌కు చెందిన ఇంజనీరింగ్ విద్యార్థి రోహిత్ మద్యం సేవించి బైక్ నడిపే వారిని ఆపే స్మార్ట్ హెల్మెట్‌ను అభివృద్ధి చేశాడు. గయా కాలేజ్ ఆఫ్ ఇంజనీరింగ్‌లో మెకానికల్ ఇంజనీరింగ్ చదువుతున్నాడు.

ఈ హెల్మెట్‌లో ఆల్కహాల్ డిటెక్షన్ సిస్టమ్, వైర్‌లెస్ కనెక్టివిటీ, GPS, app ఆధారిత అత్యవసర హెచ్చరిక వ్యవస్థ ఉన్నాయి. రైడర్ మద్యం సేవించినట్టు గుర్తిస్తే హెల్మెట్ వెంటనే బైక్ వేగాన్ని తగ్గించి ఆపుతుంది. బైక్ ఆగిన తర్వాత మళ్లీ కదలకుండా సిస్టమ్ నిరోధిస్తుంది.

రైడర్ హెల్మెట్ తీసివేస్తే బీప్ శబ్దం వస్తుంది. ప్రమాదం జరిగితే నిమిషాల్లో రైడర్ ముందుగా సేవ్ చేసిన కుటుంబ సభ్యుల నంబర్లకు, సమీప పోలీస్ స్టేషన్‌కు, ఆరోగ్య కేంద్రానికి location alert వెళ్తుంది.

ఈ సాంకేతికతను సాధారణ మోటార్ సైకిల్ వినియోగదారులకు అందుబాటులోకి తేవడమే తక్షణ లక్ష్యం అని రోహిత్ తెలిపాడు.