చైనాలో AI ఫేస్ రెంట్ ట్రెండ్: ఏడు సార్లు ఫేస్ ఇచ్చి ₹35,000 సంపాదించిన బ్యాంకు ఉద్యోగి

చైనాలో ఓ బ్యాంకు ఉద్యోగి తన ఫేస్‌ను AI కంటెంట్ కోసం రెంట్‌కు ఇచ్చి మూడు రోజుల్లో దాదాపు ₹35,000 సంపాదించారు. దీన్ని ఫేస్ లైసెన్సింగ్ అని పిలుస్తున్నారు. ఈ విధానం ఈ ఏడాది మే నెలలో ప్రారంభమైంది.

షెన్జెన్ కేంద్రంగా పనిచేసే యువాన్ షియాంగ్ షింజంగ్ అనే AI ప్లాట్‌ఫాం ఈ ఫేస్ లైసెన్సింగ్ సేవను ప్రారంభించింది. గతంలో ఈ తరహా సౌకర్యం సినిమా, టీవీ సెలబ్రిటీలకు మాత్రమే ఉండేది. ఇప్పుడు సాధారణ వ్యక్తులు కూడా తమ ఫేస్‌ను రిజిస్టర్ చేసుకోవచ్చు.

ఫేస్ లైసెన్సింగ్ ప్లాట్‌ఫాంలో వినియోగదారులు ముందుగా తమ ఫేస్‌ను రిజిస్టర్ చేసుకోవాలి. వెరిఫికేషన్ పూర్తయిన తర్వాత డిజిటల్ ప్రొఫైల్ సృష్టించుకోవాలి. ఏదైనా AI కంటెంట్ ప్రొడ్యూసర్‌కు ఆ ఫేస్ నచ్చితే, వారు దాన్ని వీడియో కంటెంట్ కోసం ఎంపిక చేసుకుంటారు.

చైనాలో AI ఆధారిత మైక్రో డ్రామాలకు డిమాండ్ పెరుగుతోంది. దీంతో కొత్త ఫేస్‌లకు డిమాండ్ కూడా పెరిగింది. AIతో సృష్టించిన ఫేస్‌ల కంటే నిజమైన ఫేస్‌లకే డిమాండ్ ఎక్కువగా ఉంది.

South China Morning Post ప్రకారం, ఓ బ్యాంకు ఉద్యోగి మూడు రోజుల్లో ఏడు సార్లు తన ఫేస్‌ను రెంట్‌కు ఇచ్చారు. దీని ద్వారా ఆయన సుమారు 2,500 యువాన్లు సంపాదించారు. భారత కరెన్సీలో ఇది దాదాపు ₹35,000 అవుతుంది. ఫేస్‌ను ఎన్ని రోజులు ఉపయోగిస్తారు, ఎలాంటి కంటెంట్‌లో ఉపయోగిస్తారు అనే అంశాల ఆధారంగా చెల్లింపులు మారుతాయి.