విజయవాడ సమీపంలో BIS దాడి: లైసెన్స్ లేని 4,500 ప్రెషర్ కుక్కర్లు స్వాధీనం

విజయవాడ నగర శివారు ప్రాంతంలోని ఒక స్టీల్ పరిశ్రమపై Bureau of Indian Standards (BIS) అధికారులు ఆకస్మిక తనిఖీలు నిర్వహించారు. ISI లైసెన్స్ లేకుండా ప్రెషర్ కుక్కర్లు తయారు చేస్తున్నారని సమాచారం అందడంతో ఈ దాడులు చేశారు.

తనిఖీల్లో వివిధ సామర్థ్యాల (capacities) ప్రెషర్ కుక్కర్లు దాదాపు 4,500 సంఖ్యలో బయటపడ్డాయి. ఆ కుక్కర్లపై పలు బ్రాండ్ల పేర్లు అనుకరిస్తూ తయారు చేశారని అధికారులు పేర్కొన్నారు.

ప్రెషర్ కుక్కర్లకు ISI certification తప్పనిసరి చేస్తూ కేంద్ర ప్రభుత్వం 2020 ఆగస్టు నుంచి గెజిట్ నోటిఫికేషన్ జారీ చేసింది. అధిక ఒత్తిడిలో పని చేసే ఈ పరికరాలు నాణ్యత ప్రమాణాలు లేకుంటే ప్రజలకు ప్రమాదకరమని BIS అధికారులు తెలిపారు.

ISI గుర్తున్న ఉత్పత్తులను మాత్రమే కొనాలని, నకిలీ లేదా లైసెన్స్ లేని వస్తువులు వినియోగించడం ప్రజల భద్రతకు హాని చేస్తుందని అధికారులు వినియోగదారులను హెచ్చరించారు.