తెలంగాణలో BJP కి హైకమాండ్ కొత్త వ్యూహం — నెంబర్ టూ లక్ష్యం

తెలంగాణలో BJP హైకమాండ్ రాష్ట్ర నాయకులకు కొత్త దిశానిర్దేశాలు ఇచ్చింది. ప్రస్తుతానికి రాష్ట్రంలో నెంబర్ టూ స్థానం సాధించడమే లక్ష్యంగా పని చేయాలని స్పష్టం చేసింది.

పెద్ద బహిరంగ సభలకు బదులు గల్లీ మీటింగ్లకు ప్రాధాన్యత ఇవ్వాలని హైకమాండ్ ఆదేశించింది. నియోజకవర్గ స్థాయి నుంచి కార్యాచరణ ప్రణాళిక అమలు చేయాలని నిర్దేశించింది. street corner meetings, bike rallies ద్వారా క్యాడర్‌ను సక్రియం చేయాలని BJP నిర్ణయించింది.

తెలంగాణలో రాజకీయ పరిస్థితి, Congress పాలన తీరు, BRS క్యాడర్ స్థితిపై ఢిల్లీ నాయకత్వం ప్రత్యేకంగా నివేదికలు తెప్పించుకున్నట్టు తెలుస్తోంది. ఆ ground reality ఆధారంగా రాష్ట్ర నాయకులకు స్పష్టమైన instructions ఇచ్చింది.

ఒడిశా, పశ్చిమబంగా రాష్ట్రాల్లో BJP విస్తరణలో కీలక పాత్ర పోషించిన BJP జాతీయ ప్రధాన కార్యదర్శి సునీల్ బన్సాల్‌ను తెలంగాణ ఇంచార్జ్‌గా పార్టీ నియమించింది. ఆయన త్వరలో తెలంగాణలో పర్యటించనున్నారు. క్షేత్ర స్థాయిలో పార్టీ బలోపేతానికి, క్యాడర్‌కు దిశానిర్దేశం చేయడం ఆయన ముఖ్య బాధ్యత.

అవసరమైతే రాష్ట్ర పార్టీలో కీలక మార్పులు చేస్తారని కూడా హైకమాండ్ సంకేతాలు ఇచ్చినట్టు తెలుస్తోంది. ఈ విషయంపై BJP అధికారిక ప్రకటన రాలేదు.