ధాన్యం కొనుగోళ్లు సరిగా జరగట్లేదు: BJP నేతల ఆరోపణ

తెలంగాణలో ధాన్యం కొనుగోళ్లు సరిగా జరగడం లేదని BJP నేత ఏలేటి మహేశ్వర్ రెడ్డి ఆరోపించారు. కొనుగోల కేంద్రాల్లో కనీస సదుపాయాలు కూడా లేవని ఆందోళన వ్యక్తం చేశారు.

కిలోమీటర్ల కొద్దీ రోడ్లపై వరి ధాన్యం, మక్కలు కుప్పలుగా పడి ఉన్నాయని చెప్పారు. రైతులు ఎండలో కాపలాగా కూర్చోవాల్సి వస్తోందని, కొంతమంది రైతులు ఏడ్చిన సంఘటనలు కూడా చూశామని తెలిపారు.

ధాన్యం కొనుగోళ్లపై బహిరంగ చర్చకు తాను సిద్ధమని ఏలేటి ప్రకటించారు. మంత్రులు ఉత్తమ్ కుమార్ రెడ్డి, తుమ్మల నాగేశ్వర్ రావు, భట్టి విక్రమార్క ఎక్కడ అయినా చర్చకు రమ్మని సవాలు చేశారు.

నిరుద్యోగుల సమస్యలపై BJYM నేతలు హైదరాబాద్‌లోని గన్ పార్క్ వద్ద నిరసన తెలిపారు. ఎన్నికల ముందు ఇచ్చిన హామీలు అమలు చేయాలని, లక్షల ఉద్యోగాలు ఎవరికి ఇచ్చారో వివరించాలని డిమాండ్ చేశారు. దశలవారీగా పోరాటం కొనసాగిస్తామని హెచ్చరించారు.

కాశీపేట రైల్వే మ్యానుఫ్యాక్చరింగ్ యూనిట్‌కు 200 intercity రైళ్ల తయారీ బాధ్యత అప్పగించినందుకు కేంద్ర మంత్రి కిషన్ రెడ్డి హర్షం వ్యక్తం చేశారు. ఈ రైళ్లు 300 కిలోమీటర్ల దూరం వరకు నడుస్తాయని, ఉద్యోగులు మరియు విద్యార్థులకు ఉపయోగపడతాయని X లో పోస్ట్ చేశారు.

ఈ విషయాలపై తెలంగాణ ప్రభుత్వం స్పందన తెలియాల్సి ఉంది.