ఎమ్మెల్యే బొలిశెట్టి శ్రీనివాస్ రావిపాడులో అభివృద్ధి పనులు ప్రారంభించారు

పశ్చిమ గోదావరి జిల్లా తాడేపల్లిగూడం నియోజకవర్గంలోని రావిపాడు గ్రామంలో ఎమ్మెల్యే బొలిశెట్టి శ్రీనివాస్ పలు అభివృద్ధి కార్యక్రమాలను ప్రారంభించారు.

కొత్తగా నిర్మించిన రేవు సిసి రోడ్లను ఆయన ప్రారంభించడంతో పాటు గ్రామ పంచాయతీకి స్వచ్ఛ రథాన్ని అందజేశారు.

ఈ సందర్భంగా గ్రామంలో జరిగిన సభలో ఎమ్మెల్యే మాట్లాడుతూ, రావిపాడు గ్రామం జనసేన పార్టీకి పుట్టిల్లు లాంటిదని, ఎన్నికల్లో అభ్యర్థి లేకపోయినా పార్టీకి మద్దతు ఇచ్చి గెలిపించిన ఘనత ఉందని అన్నారు.

గ్రామంలో పెండింగ్‌లో ఉన్న అన్ని అభివృద్ధి పనులను పూర్తి చేయడానికి అంచనాలు సిద్ధం చేస్తామని, ప్రత్యేకంగా నిధులు తీసుకొచ్చి గ్రామాన్ని సమగ్రంగా అభివృద్ధి చేస్తామని ఎమ్మెల్యే హామీ ఇచ్చారు.