హైదరాబాద్‌లో ₹1000 కోట్ల భూ కుంభకోణం: YSRCP మాజీ ఎమ్మెల్యేపై కేసు

రంగారెడ్డి జిల్లా గండిపేట గ్రామంలోని 104 ఎకరాల 25 కుంటల ప్రభుత్వ భూమిని కాజేసేందుకు కుట్ర జరిగింది. సైబరాబాద్ పోలీసులు ఈ కేసులో ముగ్గురు నిందితులను అరెస్టు చేశారు.

ఈ భూమి విలువ కనీసం ₹1,000 కోట్లు ఉంటుందని సేరలింగంపల్లి DCP శ్రీనివాస్ తెలిపారు. 1954-55 రికార్డుల ప్రకారం ఇది పోరంబోకు భూమిగా నమోదై ఉంది. 2025 అక్టోబర్ 6న హైకోర్టు ఈ భూమి ప్రభుత్వానిదేనని తీర్పు ఇచ్చింది.

భూమి ప్రభుత్వం ఐదుగురికి ఇచ్చినట్లు నకిలీ GOs సృష్టించి WhatsApp గ్రూపుల్లో ప్రచారం చేశారని పోలీసులు తెలిపారు. గండిపేట మండల తహసీల్దార్ ఫిర్యాదుతో దర్యాప్తు మొదలైంది. సోదాల్లో స్వాధీనం చేసుకున్న documents ఆధారంగా వినుకొండ నియోజకవర్గం మాజీ ఎమ్మెల్యే బొల్లా బ్రహ్మనాయుడు పాత్రను పోలీసులు గుర్తించారు.

బొల్లా బ్రహ్మనాయుడు ఖాతా నుంచి నేరుగా నెమ్మల వేణుగౌడ్, రామస్వామికి డబ్బులు పంపినట్లు పోలీసులు వివరించారు. ఆయన ప్రస్తుతం పరారీలో ఉన్నట్లు సైబరాబాద్ పోలీసులు ప్రకటించారు. అయితే పల్నాడు జిల్లా నరసరావుపేటలో ఆయన YSRCP కార్యక్రమంలో పాల్గొన్నట్లు కనిపించారు.