జన్వాడలో బోనాల సంబరాలు: మహిళలు, కళాకారులు ప్రత్యేక ఆకర్షణ

రంగారెడ్డి జిల్లా జన్వాడలో పోచమ్మ, భూలక్ష్మమ్మ, గడీల మైసమ్మ దేవతల బోనాల సంబరాలు ఘనంగా జరిగాయి. గ్రామ సంఘ సేవకుడు వెంకటేష్ యాదవ్ ఆధ్వర్యంలో ప్రత్యేక ఏర్పాట్లు చేశారు. మహిళలు పెద్ద సంఖ్యలో పాల్గొని అమ్మవారికి బోనాలు సమర్పించి మొక్కలు చెల్లించుకున్నారు.

ఈ సందర్భంగా భక్తులు రాష్ట్రం సుభిక్షంగా ఉండేలా, సమృద్ధిగా వర్షాలు కురవాలని అమ్మవారిని వేడుకున్నారు. వివిధ రాష్ట్రాల నుంచి వచ్చిన డప్పు, ఒగ్గు కళాకారులు సాంప్రదాయ నృత్యాలు, సంగీతంతో భక్తులను అలరించారు.

ఊరేగింపులో భాగంగా అమ్మవారికి తొట్టె సమర్పించి ప్రత్యేక పూజలు నిర్వహించారు. ప్రతి ఏటా నిర్వహించే ఈ బోనాల వేడుకలు గ్రామస్తులను ఒకే తాటిపైకి తెచ్చాయని స్థానికులు తెలిపారు.