బ్రహ్మోస్ మిసైల్‌ను ఎందుకు శత్రు దేశాలు కొనాలనుకుంటున్నాయి?

బ్రహ్మోస్ అనేది భారతదేశం, రష్యా సంయుక్తంగా అభివృద్ధి చేసిన సూపర్సోనిక్ క్రూయిస్ మిసైల్. దీని డిజైన్‌లో భారత్‌కు చెందిన DRDO, రష్యాకు చెందిన NPO Mashinostroyenia కలిసి BrahMos Aerospace అనే సంయుక్త సంస్థ ద్వారా పని చేశాయి.

ఈ మిసైల్ గంటకు 3,500 కిలోమీటర్ల వేగంతో (మాక్ 2.8) ప్రయాణిస్తుంది. ఇది చాలా క్రూయిస్ మిసైల్స్ కన్నా చాలా వేగం. సీ స్కిమ్మింగ్ టెక్నాలజీ వల్ల సముద్ర ఉపరితలానికి 10-15 మీటర్ల ఎత్తులో ప్రయాణించి రాడార్లకు ఆలస్యంగా కనిపిస్తుంది. ఫైర్ అండ్ ఫర్గెట్ వ్యవస్థతో ప్రయోగించిన తర్వాత తనంతట తానే లక్ష్యాన్ని ఛేదించగలదు.

ఈ మిసైల్ భూమి, యుద్ధ నౌకలు, సుఖోయ్-30ఎంకేఐ యుద్ధ విమానాల నుంచి ప్రయోగించవచ్చు. ప్రస్తుతం కేంద్రం వాయుసేన కోసం 100కు పైగా ఎయిర్ లాంచ్డ్ బ్రహ్మోస్ మిసైళ్ల కొనుగోలుకు ఆమోదం తెలిపింది. లక్నవోలో కొత్త తయారీ కేంద్రం ద్వారా ఉత్పత్తి పెంచనున్నారు.

ఫిలిప్పీన్స్ భారత్ నుంచి బ్రహ్మోస్ కొనుగోలు చేసిన తొలి విదేశీ దేశం. వియత్నాం, ఇండోనేషియాలతో ఎగుమతి చర్చలు జరుగుతున్నాయి. ఈ ఎగుమతులు భారత రక్షణ రంగానికి అంతర్జాతీయ గుర్తింపు తెస్తున్నాయి.

భవిష్యత్ రూపమైన బ్రహ్మోస్-ఎన్‌జి (నెక్స్ట్ జనరేషన్) మరింత తేలికై, ఒకే విమానం బహుళ మిసైళ్లు మోసుకెళ్లేలా రూపొందిస్తున్నారు. క్షిపణి పరిధి 800 కి.మీ. వరకు పెంచడంతో పాటు హైపర్సోనిక్ సామర్థ్యంపై పరిశోధనలు కొనసాగుతున్నాయి.