సిరిసిల్లలో BRS, BJP కార్యకర్తల మధ్య ఘర్షణ — పోలీసులు లాఠీచార్జ్

రాజన్న సిరిసిల్ల జిల్లా కేంద్రంలో BRS, BJP కార్యకర్తల మధ్య ఘర్షణ చెలరేగింది. నేతన్న చౌరస్తా వద్ద ఇరు పార్టీల ధర్నా కార్యక్రమాలు ఘర్షణగా మారాయి. పోలీసులు లాఠీచార్జ్ చేసి పరిస్థితిని అదుపులోకి తీసుకున్నారు. కొందరిని అదుపులోకి తీసుకున్నట్లు తెలుస్తోంది.

BRS నేతలు బండి సంజయ్‌ను కేంద్ర మంత్రి పదవి నుండి తొలగించాలని డిమాండ్ చేస్తూ ధర్నా నిర్వహించారు. దీనికి ప్రతిగా BJP కార్యకర్తలు రంగంలోకి దిగి నినాదాలు చేశారు. ఇరు వర్గాల మాటల వివాదం తోపులాటకు దారితీసింది.

సిరిసిల్ల నియోజకవర్గానికి BRS వర్కింగ్ ప్రెసిడెంట్ KT రామారావు MLA గా ఉన్నారు. కరీంనగర్ పార్లమెంట్ నియోజకవర్గ MP గా BJP నేత బండి సంజయ్ ఉన్నారు. ఈ నేపథ్యంలో ఇరు పార్టీల మధ్య ఉద్రిక్తత పెరిగింది.

BJP నేత బండి భగీరథ్ POCSO కేసులో నిన్న అరెస్టయ్యారు. ఈ అరెస్టుకు BRS ఒత్తిడే కారణమని BJP వర్గాలు భావిస్తున్నాయి. గత 10 రోజులుగా రెండు పార్టీల మధ్య వాగ్వాదాలు కొనసాగుతున్నాయి.

ప్రస్తుతం పోలీసుల జోక్యంతో పరిస్థితి సద్దుమనిగింది. అయితే పరిస్థితి మళ్లీ తీవ్రం కాకుండా పోలీసులు భారీ భద్రతా చర్యలు తీసుకున్నారు.