సూర్యాపేట జిల్లాలో BRS నాయకుడు హత్య: మృతదేహం కాలువలో వేశారు

తెలంగాణలోని సూర్యాపేట జిల్లా యర్కారంలో BRS నాయకుడు చింతలపాటి మధును హత్య చేసి కాలువలో పడేశారు. మృతుడు గతంలో మాజీ సర్పంచ్ మిద్దె రవీందర్ హత్య కేసులో నిందితుడిగా ఉన్నారు.

తాళ్ళగడ్డలో తాటిపాముల జానయ్య ఇంట్లో మద్యం సిట్టింగ్ జరిగినట్లు పోలీసులకు ఆనవాళ్ళు లభించాయి. అదే ఇంట్లో హత్య జరిగి మృతదేహాన్ని కాలువలో పడేశారని అనుమానాలు వ్యక్తమవుతున్నాయి. Clues team ఆధారాలు సేకరిస్తోంది.

మధు కుటుంబ సభ్యులు కాంగ్రెస్ నాయకులపై అనుమానం వ్యక్తం చేస్తున్నారు. మిద్ద జీవన్, మారిపల్లి సతీష్, కుంటిగొల్లర్ల సీను, మల్లి, కట్టబోయిన సీను పేర్లు ప్రస్తావించారు. పోలీసులు ఇంకా దర్యాప్తు కొనసాగిస్తున్నారు.

మధు భార్య ప్రభుత్వానికి విజ్ఞప్తి చేసింది. ఆమె తమ గ్రామంపై నిఘా పెట్టాలని, మహిళలకు రక్షణ కల్పించాలని కోరింది. ఆరేళ్ల క్రితం తన భర్తను కూడా చంపారని, ఇప్పుడు మధును చంపారని ఆమె పేర్కొంది.

ఈ హత్య వెనక రాజకీయ కక్షలు కారణమని కుటుంబీకులు అనుమానిస్తున్నారు. ఈ విషయంపై ఆరోపణలు అందిన కాంగ్రెస్ నాయకుల స్పందన తెలియాల్సి ఉంది.