హైదరాబాద్ నీటి కష్టాలపై BRS ఎమ్మెల్యే సుధీర్ రెడ్డి ధర్నా

హైదరాబాద్‌లో తీవ్రమైన నీటి కొరత నెలకొందని BRS ఎమ్మెల్యే దేవిరెడ్డి సుధీర్ రెడ్డి ఆరోపించారు. ఖైరతాబాద్‌లోని జలమండలి కార్యాలయం ముందు ఆయన ధర్నా నిర్వహించారు.

హైదరాబాద్ నగరానికి రోజూ 750 MGD నీళ్లు అవసరమని, ప్రస్తుతం 550 MGD మాత్రమే సరఫరా అవుతోందని ఆయన తెలిపారు. 200 MGD లోటు ఉందని పేర్కొన్నారు. ప్రభుత్వం 12,000 ట్యాంకర్ల ద్వారా నీళ్లు సరఫరా చేస్తోందని చెప్పినా, అది నీటి సరఫరా వైఫల్యానికి నిదర్శనమేనని విమర్శించారు.

గత రెండు నెలలుగా ప్రభుత్వాన్ని హెచ్చరిస్తున్నప్పటికీ చర్యలు తీసుకోలేదని సుధీర్ రెడ్డి ఆరోపించారు. ఈ విషయంపై తెలంగాణ ప్రభుత్వం స్పందన తెలియాల్సి ఉంది.