న్యూజిలాండ్లో తెలంగాణ ఆవిర్భవ దినోత్సవ వేడుకలు నిర్వహించిన బీఆర్ఎస్ ఎన్నారైలు

బీఆర్ఎస్ న్యూజిలాండ్ విభాగం తెలంగాణ రాష్ట్ర ఆవిర్భవ దినోత్సవాన్ని నిర్వహించింది. సంస్థ అధ్యక్షుడు రామరావు రాచకొండ, ప్రధాన కార్యదర్శి కిరణ్ పోకాల నాయకత్వంలో వేడుకలు జరిగాయి. సంప్రదాయబద్ధంగా జ్యోతి ప్రజ్వలనతో ప్రారంభమైన కార్యక్రమంలో గౌరవ అధ్యక్షుడు అరుణ్ ప్రకాష్ తెలంగాణ రాష్ట్ర సాధనలో ప్రాణాలర్పించిన అమరవీరులు, స్వాతంత్ర సమరయోధులకు నివాళి అర్పించారు. అనంతరం క్యాండిల్ మార్చి నిర్వహించి, అమరవీరుల స్మారకార్థం నిమిషం మౌనం పాటించారు. న్యూజిలాండ్లో తెలంగాణ సమాజాన్ని మరింత బలోపేతం చేయాలని నాయకులు సంకల్పించారు.