పాలమూరు-రంగారెడ్డి ప్రాజెక్ట్: BRS పాదయాత్ర పిలుపుతో ప్రభుత్వం సమీక్షలు

పాలమూరు-రంగారెడ్డి ఎత్తిపోతల పథకం పనులు పూర్తి చేయాలని డిమాండ్ చేస్తూ BRS నేతలు పాదయాత్రకు పిలుపు ఇచ్చారు. నాగర్కర్నూల్ జిల్లా నార్లాపూర్ రిజర్వాయర్ నుంచి మహబూబ్‌నగర్ జిల్లా వద్దండాపూర్ వరకు పాదయాత్ర చేపట్టాలని నిర్ణయించారు. పాదయాత్రకు KTR నాయకత్వం వహించాలని, ముగింపు సభకు KCR ను ఆహ్వానించాలని BRS నిర్ణయించింది.

ఈ పిలుపు నేపథ్యంలో CM రేవంత్ రెడ్డి మంగళవారం ఉమ్మడి మహబూబ్‌నగర్ జిల్లాకు చెందిన మంత్రులు, నేతలతో MCRD క్యాంపు కార్యాలయంలో సమావేశమయ్యారు. పాలమూరు-రంగారెడ్డి ప్రాజెక్టుకు సంబంధించిన భూసేకరణను యుద్ధ ప్రాతిపదికన పూర్తి చేయాలని అధికారులను ఆదేశించారు. మంత్రి ఉత్తమ్ కుమార్ రెడ్డి కూడా జిల్లా నేతలతో, irrigation శాఖ అధికారులతో సమీక్షా సమావేశం నిర్వహించారు. మరో 15 రోజుల్లో ప్రత్యేక సమీక్ష సమావేశం ఏర్పాటు చేస్తామని ఉత్తమ్ కుమార్ రెడ్డి తెలిపారు.

పాలమూరు-రంగారెడ్డి ఎత్తిపోతల పథకం KCR హయాంలో ప్రారంభమైంది. 12 లక్షల ఎకరాలకు సాగునీరు అందించాలనే లక్ష్యంతో ఈ ప్రాజెక్టు చేపట్టారు. BRS హయాంలో 90% పనులు పూర్తయినట్లు BRS నేతలు పేర్కొంటున్నారు. మిగిలిన 10% పనులు పూర్తయితే నార్లాపూర్ నుంచి ఉద్దండాపూర్ వరకు కృష్ణా జలాలు తరలించే వీలుంటుందని, 65 TMC లకు పైగా నీటిని నిల్వ చేసుకోవచ్చని అంచనా.

ప్రాజెక్టు నీటి కోటాను 80 TMC ల నుంచి 45 TMC లకు తగ్గించారని BRS ఆరోపిస్తోంది. మాజీ మంత్రులు నిరంజన్ రెడ్డి, శ్రీనివాస్ గౌడ్, మాజీ MLA మర్రి జనార్ధన్ రెడ్డి ప్రభుత్వాన్ని విమర్శించారు. రెండున్నర ఏళ్లుగా మిగిలిన పనులు పూర్తి చేయలేదని నిరంజన్ రెడ్డి ఆరోపించారు. ఈ విషయంపై ప్రభుత్వం అధికారిక స్పందన తెలియాల్సి ఉంది.