ఆదిలాబాద్‌లో BRS రైతు గర్జన సభ: బాల్క సుమన్ కాంగ్రెస్‌పై విమర్శలు

ఆదిలాబాద్ జిల్లా కేంద్రంలో నవంబర్ 1న BRS రైతు గర్జన సభ నిర్వహించనున్న నేపథ్యంలో మాజీ ఎమ్మెల్యే బాల్క సుమన్ కాంగ్రెస్ పార్టీపై తీవ్ర విమర్శలు గురిపించారు. ప్రాణహిత ప్రాజెక్ట్ కట్టినట్టుగా కాంగ్రెస్ నేతలు బిల్డప్ ఇస్తున్నారని ఆయన మండిపడ్డారు. కేంద్రం DPR కు అనుమతి ఇవ్వకపోవడం వల్లే BRS హయాంలో ప్రాణహిత ప్రాజెక్ట్ నిర్మించలేకపోయామని స్పష్టం చేశారు.

తెలంగాణలో రైతుల సమస్యలను దారి మళ్ళించేందుకే BJP, కాంగ్రెస్ కలిసి నాటకాడుతున్నాయని, ఇరు రాష్ట్రాల CM ల చర్చలు కేవలం మభ్యపెట్టే వ్యూహమని బాల్క సుమన్ విమర్శించారు. కరువు తీవ్రంగా ఉన్న సమయంలో ప్రజలకు ధైర్యం ఇవ్వాల్సిన CM రేవంత్ రెడ్డి మహారాష్ట్రకు పరుగులు తీస్తున్నారని దుయ్యబట్టారు.

ఆదిలాబాద్ జిల్లాను కరువు ప్రాంతంగా ప్రకటించాలని, రైతులకు రుణమాఫీ చేసి పంట నష్టపరిహారం అందించాలని ఆయన డిమాండ్ చేశారు. స్థానిక BJP ఎమ్మెల్యే పాయల్ శంకర్ ఏ పార్టీలో ఉన్నారో ప్రజలకు అర్థం కావడం లేదని కూడా ఆయన విమర్శించారు.

నవంబర్ 1న ఆదిలాబాద్ డైట్ గ్రౌండ్‌లో జరగనున్న రైతు గర్జన సభకు BRS పార్టీ కార్యనిర్వాహక అధ్యక్షుడు KTR ముఖ్య అతిథిగా హాజరుకానున్నారని బాల్క సుమన్ తెలిపారు. ఈ సభ ఏర్పాట్లను BRS నేతలు పరిశీలించారు.